Subah Jo Naa Ho

Log toh hai chaaro aour
Phir tanhayee see kyun hai laage
Jo maanga woh toh mila
Phir udasi see kyun hai laage

Kya chahe ye dil
Woh usse bhi naa hai pataa
Aise mein dimaag kaise chale
Aie rabb tu hee bataa

Roshni ki chakaa-choun mein
Jaise khade ho Surdas
Patri se utri hai gaadi
Aisa bhalaa kyun aabhaas

Bachhpann ki woh yaadein
Jawaani ka woh josh
Bade hokar kya hai mila
Neend ka nahin aaghosh

Boj toh hai bohout
Ek kandheka nahin aasraa
Palat gayee hai baazi poori
Jaise zindagi ne pheka doosra

Kapdon ki iss nagri mein
Hum nange hee hai chale
Aahista se saamne humaare
Suraj ki roshni hai dhale

Na chandrama na laaltein ki roshni
Raat ke andhera ka nahin darr
Vidhi ka vidhaan jo jaye toot
Subah jo naa ho agar...

-max

Woh The Tum

dekh rahee hai aankhein nazar
hai jo dur dur tak andhera
suraj toh abhi dhalaa thaa
lage kyun hone ko hai savera

tha toh woh ek jhonka hawaa ka
par lagaa kyun jaise baarish ka ho mausam
thi toh woh bijli ki ek kiran
par kiya suraj ko usne madhamm

kar salaam hai woh ab laa-pataa
do shabdon ki hai nahin fursatt
gulaab ke liye jo ho kaanta
neta ke liye jo ho jamuriayat

woh the tum... woh the tum... woh the tum...

Ek aawaaz

Kya woh samaa tha
chandni raat woh thi
baal unke khule khule
chehre pe rounak unke thi

usne poochha apne aapse
kya ye sapna toh nahin
jannat ke dwaar khol
aayi ye pari toh nahin

uski saasein phool gayi
uske khone lage hosh
kadam aage usne badaaya
kaabu mein tha naa josh

issi sab ke beech mein
ek aawaaz kaanon mein padi
kaminey, dooor reh meri beti se
warna padegi pichhwaade pe chhadi

-max

Kya Tha Woh Seherr

manzil pohounch humne jaana
kya haseen tha woh safarr
tha kya woh jalwa
tha kya woh seherr

mile jab hum pehlee baar
naach aata naa thaa
chhaa jo hum gaye manchh par
aangann ab tedaa naa thaa

dheere dheere haule haule
unki ungli pakad hum naache
mitti se shuru toh kiya
antt mein bane pakke dhaanche

manzil toh hai aa gayee
naa rahee koi kasar
shuruwaat thi toh tal se
jaa kar pohounche hum gadar

chehre the woh naye
dost humne jo banaaye
naacha khoob saath saath
sukhbir ke dohe gungunaaye

iss hasee gaane ke baad
ek mayusee hai ab chhayee
dil baith sa hai gaya
vidhaiee ki ghadee jo aayee

raah apni apni pakad
jo hum hai chale
aao milke ek saath
bolein balle balle

-max

Nanu tu akela hai

nanu, iss duniye mein tu akela hai
pal bhar ke liye saathi milenge
hasenge khelenge
aur phir chale jayenge

umeed pe duniya kaayam hai sahee
par umeed doosronki tujhpe hai
tu kissi se umeed na rakhna

jo tune umeed rakhi
mooh ke bal girega
jab tu ladkhadaate uthegaa
tere haath mein sirf tera daant hoga

nanu, iss duniye mein tu akela hai
koi tere saath naa hai

- Max ke Bhaiyaa

Max Comment
#1 - Understand the Bhavana :)
#2 - Nanu = Max

Mera Mustaqbil

This is a dab at a few verses in Urdu. This is in a state of flux and is likely to expand at a later stage.

Photo Courtesy: www.gannonandbenjamin.com

andhere ke sannaate ko choor karte
savere ek nayaa sooraj nikala
iss naye daur ki roshni mein
andekha sa hua pichli raat ka masla

tujhse hai yahee meri iltejaa
aye moula aye mere khudaa
manzil hai saamne mere
mustaqbil se ab naa kar judaa

manzil hai saamne mere
mustaqbil se ab naa kar judaa

- Miyan Max

Musings on markets

I was inspired by the blog 'Musings on Markets' that has Prof. Aswath Damodaran writing on his views on the state of the world markets, corporate finance and valuation. I do not need a lot to get inspired, but this one person is arguably the father of modern corporate finance.

If you don't believe me, check this out...

Inspired, I wrote my own hideous and childish lines...

teree raah dekte reh gaye
dil ke armaan dil mein hee reh gaye

vaada toh kiya aapne
vaade vaade hee reh gaye

socha abhi abhi aayega
socha kabhi bhi aayega

par woh nazar mein naa aayaa
dooor jaata hee chalaa gayaa

rouu mein yaa gamm mein hassoon
iss utaar chhadhao may kitni deir mein phassoon

aye market tu kab waapas aayega
ujde chaman kab bhagaayegaa

ek baari aaaja aaajaa aaaa jaaa...
uuuuuuuuu uuuuuuuuu

Waqt Nahin...

har khushi hai daman mein,
par ek hansi ke liye waqt nahin...
din raat daudtee duniya mein,
zindagi ke liye waqt nahin.

maa ki loree ka toh ehsaas hai,
par maa ko maa kehne ka waqt nahin...
rishton ko to hum maar hai chuke,
unhe dafnane ka bhi waqt nahin.

saare naam toh hai phone mein,
par doston ke liye waqt nahin...
gairon ki kya karein baat,
jab apno ke liye hee waqt nahin.

aankhon mein neend hai badee,
par sone ka waqt nahin...
dil ghamon se hai bhara hua,
par rone ka bhi waqt nahin.

jeevan ki daud mein aise hai daude,
ki thakne ka bhi waqt nahin...
paraye ehsason ki kya kadr karein,
jab apne sapnon ke liye hee waqt nahin.

ab tu hi bataade aie khudaa,
iss zindagi ka kya hoga...
har pal hai marne walon ko,
humein jeene ke liye bhi waqt nahin...

har pal hai marne walon ko,
humein jeene ke liye bhi waqt nahin...

- Adapted from the works of Anon